Həsən Əliyev nadir ziyalı, istedadlı alim, fədakar elm xadimi, böyük vətənpərvər, geniş ürək sahibi, insanlıq və yaxşılıq mücəssəməsi idi.

Azərbaycan və rus dillərində nəşr edilmiş “Həyəcan təbili” əsəri xalqımızın görkəmli ekoloqunun XX əsrdə elmə verdiyi ən gözəl hədiyyəsidir.

Azərbaycan torpaqşünaslıq elmi öz yaranışı, inkişafı, tədqiqat yolu üçün həmişə Həsən Əliyevin ruhuna baş əyməlidir.

Həsən Əliyev kimi insanlar olmasaydı dağlar arxasız, çaylar məcrasız, düzlər çəmənsiz, meşələr kimsəsiz, təbiət yiyəsiz qalardı.

Akademik Həsən Əliyev hər cəhətdən Azərbaycanın görkəmli vətənpərvər alimlərindən biri kimi özünə şöhrət qazanmışdır.

Akademik Həsən Əliyev görkəmli torpaqşünas, coğrafiyaçı, Azərbaycan ekologiya problemləri haqqında ilk “həyəcan təbili” çalan vətəndaş, ziyalı və müdrik şəxsiyyətdir.

Həsən Əliyev varlığı vətənpərvərlik, xalqsevərlik təcəssümü idi.

Azərbaycanda təbiətin mühafizəsi dedikdə qeyri-ixtiyari olaraq Həsən Əliyev, Həsən Əliyev dedikdə isə Azərbaycanda təbiətin mühafizəsi yada düşür.

Azərbaycan təbiəti haqqında söhbət gedəndə ani olaraq göz önündə unudulmaz bir obraz - akademik Həsən Əliyevin əbədi obrazı canlanır.

Həsən müəllimin həyatı Azərbaycanı sevənlərçün bir örnəkdir.

Bütün varlığı ilə elə-obaya bağlı olan bu böyük insan şerin, sözün, sənətin aşiqi idi.

Akademik Həsən Əliyevin elmi və ictimai həyatı elm sahəsində çalışan alimlər üçün nümunədir.

Həsən müəllim təkcə özü üçün yaşamadı. O, imkansızın dayağı, tərəfsizin tərəfi, haqqın müdafiəçisi, xüsusən də yaradıcı gənclərin pənahı idi.

Həsən Əliyevin təbiət sevgisi onu təbiətlə birləşdirib, bütövləşdirib, təbiətin özü qədər müdrikləşdirmişdi.